نقاش جاد وجرئ

موضوع: نقاش جاد وجرئ الخميس مارس 05, 2009 6:43 pm

تذكير بمساهمة فاتح الموضوع :

بسم الله الرحمن الرحيم

السلام عليكم ورحمة الله وبركاته

|--*¨¨*--| :قـــــــووه يااحلى شباب و بنات |--*¨¨*--|

أحببت هذا الموضوع لشدة روعته والأسئله التي تدور عليه

والحوار الناجح الذي يقوم عليه ...

لذلك نقلت هذه الفكرة وهذا الحوار [ الساخن ]

وهو عبارة عن حوار مثير بين فريقين

فريق [ الشباب ] فريق [ البنات ]

وضعتها من باب المداعبة وتخفيف حدة التوتر بين الفريقين.

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ بداية الحوار ]

سيقوم فريق الشبـاااب بطرح تساؤل عن أمر معين لا يعجبه في البنــاات

وسيقوم فريق البنااات بالرد وتبرير الموقف

وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب.....وهكذا يستمر الحوار

[ملاحظة]

يحق للجميع المشاركه وابداء الرأي ولاكن بعيدا عن التجريح

وما بدي استهزاء الله لايهينكم

وأرجوا أن نكون مع الحق دائماً بعيداً عن الإنتماء و التحيز

ههههههه

مالكوا خايفين تجاوبوا

انا بدي اجاوب
سؤالي للشباب الحلوين متل ريــان

لو أنت بتحب وحده وهي بتحبك بس مش مهتمه فيك اكتير
وطلعتلك بنت وحكتلك انها بتحبك وبتموت عليك وبتعشق الأرض الي بتمشي عليها
وبتهتم فيك وبدلعك واخر روووقآآن
انت شو بتكون ردة فعلك ســاعتها

انا ازا بحب وحده وهيا مش مهتمة فيا وما بتسأل عني أنا في هدا الموقف
باكون بأذل نفسي عشانها لأنه لو بتحبني كان سألت عني واهتمت فيا
لأنه لو ما بتهتم فيا يبقى مش حب هدا .. لأنه الحب مش تحكيلي بحبك وخلص
الحب لازمه اهتمام من الطرفين
لهيك انا باختار البنت التانية ...

هيني جاوبت وهلقيتا باترك المجال لحبيبي ريان حتى يجاوب جوابه

وانا من رأي حبيبي كاتم

وبختار البنت الثانية

بتحبني ومابتهتم فيا شو بدي فيها الله الغني عنها ادور الها على حبيب تاني افضل

طيب سؤالي للبنات ؟؟؟

عندك استعداد تحبي مرة واتنين وثلاثة ؟؟

عندك استعداد تحبي مرة واتنين وثلاثة ؟؟

لا قلبي مش رخيص عشان اخليه حقل تجارب

لو كنت ماشي بشارع وفجأة كانت بنت

ماشية قدامك وقعت ع الارض واغمى عليها

شو حتعمل؟؟؟

لو كنت ماشي بشارع وفجأة كانت بنت

ماشية قدامك وقعت ع الارض واغمى عليها

شو حتعمل؟؟؟

بأشيلها وبأجري فيها على أبعد مستشفى
هههههههههه

سؤالي للبنات :
لو كنتِ ماشية بشارع فاضي وشفتي شاب
ماشي قدامك وبيحكيلك انتي مرتبطة

شو راح تحكيله ؟؟

سؤالي للبنات :
لو كنتِ ماشية بشارع فاضي وشفتي شاب
ماشي قدامك وبيحكيلك انتي مرتبطة
شو راح تحكيله ؟؟

مابعرف بهيك موقف كيف بدي اتصرف
بس ماراح ارد عليه وبضلني ماااشيه

سؤالي للشباب
بنظرك شو الي بهدم الحب بين اتنين كــأنو بمتو في بعض
وكلمة أعتزار مابتنهي القصة من احدا الطرفين..؟

سؤالي للشباب
بنظرك شو الي بهدم الحب بين اتنين كــأنو بمتو في بعض
وكلمة أعتزار مابتنهي القصة من احدا الطرفين..؟

اللي بيهدم الحب بين اتنين كانو يموتو ببعض انهم يدخلو اطراف تانية بينهم وهذا غلط كبير
مهما كان ومها صار بين اتنين بيحبو بعض ممنوع منعا باتا اي حد يدخل بينهم ويحلو مشاكلهم لحالهم ولو بيحبو بعض عنجد أكيد العذر بيكون مقبول ...

طيب سؤالي للبنات :

لو اتزوجتي من واحد وزوجك حكالك مابدي اياكي تختلطي بالشباب اللي من عيلتك ولا تحكي مع اي حد فيهم شو بتكون ردة فعلك او بشو بتردي عليه ؟؟؟

طيب سؤالي للبنات :

لو اتزوجتي من واحد وزوجك حكالك مابدي اياكي تختلطي بالشباب اللي من عيلتك ولا تحكي مع اي حد فيهم شو بتكون ردة فعلك او بشو بتردي عليه ؟؟؟

بنحكّم الشرع بينا وشو بيقول الشرع بتم

سؤال للشباب

شو رأيك بجرأة الفتاة ؟ ولأي حد بتعجب بجرأتها ؟ ومتى ما بتعجبك جرأتها ؟

ومتى تطلق عليها انها جريئة ؟

سؤال للشباب

شو رأيك بجرأة الفتاة ؟ ولأي حد بتعجب بجرأتها ؟ ومتى ما بتعجبك جرأتها ؟

ومتى تطلق عليها انها جريئة ؟

الجرأة صفة حلوة كتير ، والانسان إزا ما كان جريئ ما بيعيش في بلدنا
والجرأة ما بتقتصر على الشاب فقط
النبات كمان الجرأة حلوة كتير عليهم وصفة مميزة وبتميز البنت عن غيرها
بتعجبني جرأة البنت لما تكون جرأتها بحدود الأدب والأخلاق
بس لما تكون جريئة يعني ما بتخجل من حالها ومن اللي حواليها
وبتعمل حاجات لا تليق بعاداتنا اكيد هاد جرأة مش منيحة وصفة مخزية
وهاد انا ما بسميها جريئة بسميها عديمة الاحساس والشرف
باطلق على البنت بأنها جريئة لما اشوفها ذكية وقابلة للتحدي
وما بتخجل من ايا اشي ما دام هدا الاشي في حدود العلم والدين والاستفادة
بس برضو في بنات جريئات بس مشاكلهم كتيرة مع اهلهم او مع البنات
او مع الناس
يعني الجرأة مش دايما منيحة
بس فيه جرأة كتير حلوة هيا اللي حكيت عنها بالاول

سوري ع الاطالة بس السؤال اعجبني

*****
سؤالي للبنات :
( الحب ) ... احساس جميل ... ولكنه عذاب وجراح
وكلنا نسمع ان الحب نادرا ما تكون نهايته الزواج
لكن السؤال :
لماذا نحب ؟؟ وكلنا نعرف نهاية الحب ....

انا راح اجاوب ع السؤالين يلي قبل

سؤالي للشباب

بنظرك شو الي بهدم الحب بين اتنين كــأنو بمتو في بعض
وكلمة أعتزار مابتنهي القصة من احدا الطرفين..؟

الحب مثل النبات ادا لم يتم رويه يموت و الحب يرتوي من
الاخلاص والتضحية والمعاملة الطيبة كل ما شابه ذلك فادا
راي احد الطرفين ان الاخرلا مبالي وغير جديربهيك حال
يبدا هذا الحب في الانهيار وتبدا الخيانة والقسوة وقتل الحب ..

سؤال للشباب

شو رأيك بجرأة الفتاة ؟ ولأي حد بتعجب بجرأتها ؟
ومتى ما بتعجبك جرأتها ؟
ومتى تطلق عليها انها جريئة

اعتبره وخصوصا ان جراة الفتاة لها حد والا
اصبحت قلة ادب و عدم احترام وتكون الجراة
في بعض الامور والمواقف وليس جميعها و
تعجبني جراة الفتاة عندما تظهر بقوة حينما
تدافع عن حقها و شرفها ...

نفس سؤال كاتم ؟؟؟؟؟

سؤالي للبنات :
( الحب ) ... احساس جميل ... ولكنه عذاب وجراح
وكلنا نسمع ان الحب نادرا ما تكون نهايته الزواج
لكن السؤال :
لماذا نحب ؟؟ وكلنا نعرف نهاية الحب ...

لو ما بنحب كان ما عرفنا نكره

هاد عاطفة ربنا اوجدها فينا وميزنا فيها احنا البشر

عن غيرنا

بلعكس اغلب قصص الحب ناجحة

2 من صحباتي اتزوجوا عن قصة حب عنيفة هههههههههه

عمرك نمت بلبيت لحالك وما كان حدا عندك

ما هو شعورك بهاد اللحظة؟؟

عمرك نمت بلبيت لحالك وما كان حدا عندك
ما هو شعورك بهاد اللحظة؟؟

انا بيتنا كله ابويا وإمي لو يطلعوا البيت بيفضى
واصلا بيتنا دايما فاضي
دايما طالعين وانا الحارس للبيت
بس ما بينامو برات البيت ابويا ما بيقدر يستغنى
بيطخها بعدين ههههههه
بس عادي كتير نمت لحالي في البيت
وانا لما انعس ما بعرف وين انا
شعوري عادي سواء كانوا موجودين او لاء

********
سؤالي للبنات :-
لو الك اخ اسمه محمد؟؟ وفيه شاب بتحبيه اسمه محمود
ومرة كنتي قاعدة في البيت بتنادي على احمد بس اتلخبطتي
وحكيتي محمود وما انتبهتي على حالك
وضليتني تنادي محمود .. محمود
لما كل البيت اتجمع على صوتك وحكالك مين محمود
وانتي انصدمتي واتزكرتي حالك
شو راح تعملي بهيك موقف ؟

ههههههههههههه ولا شي بقلهم واحد صاحبي ما بتعرفوه وبهرب ع غرفتي وبسكر ع حالي لما ربنا يفرجهاا

بس حقيقي يمكن ما اجاوب او اغير الموضوع او احكي بدلعه يا عمي شو مالكم

هههههههههههههههههه

يقطع شرك على هيك سؤال

زي السؤال اللي سالته قبل هيك عن بنت نايمة

وبتحكي لابن اخوها أعطيني بوسة وصحيت لقت اهلها قدامها هههههههههههههه

????????????????

سؤالي للبنات ؟؟

لو شخص حبك بجنون واثقة منه كثير وانتي
عارفة انه من نصيبك وبعد فترة ابن عمك
طلب ايدك واهلك وافقو كيف راح تتصرفي ؟؟

سؤال حلو كتير

بانتظار اجابة البنات

سؤالي للبنات ؟؟

لو شخص حبك بجنون واثقة منه كثير وانتي
عارفة انه من نصيبك وبعد فترة ابن عمك
طلب ايدك واهلك وافقو كيف راح تتصرفي ؟؟

سؤالك حلو كتير يا مصطفى وواقعي كمان وبتصير باحسن العائلات

بدك الصراحة انا من ناحيتي ما راح الحق اتصرف

لاني ما بتحمل الضغطات فاما حتقرأ عليا الفاتحة فالمقبرة يا اما حتقرا عليا قران في العناية المركزة

بس ححاول اعمل كل اللي بقدر عليه واكيد حبيبي ماراح يسيبني والا بكون ندل وما بيستاهل التضحية

لو شخص حبك بجنون واثقة منه كثير وانتي
عارفة انه من نصيبك وبعد فترة ابن عمك
طلب ايدك واهلك وافقو كيف راح تتصرفي ؟؟

طبعآ أهلي مابرضو الا كل خيرإلي وعارفين وين مصلحتي

لكن ازا كنت بحب إنساان بحول بكل الطرق اني اقنعهم اني

مابدي ابن عمي واني ماراح اكون سعيده معاه

وبعدين بحاول اخلي حبيبي يجي يطلب إيدي ازا بتسمح الظروف عندو

ويتعرف ع أهلي وان شااءالله بهيك بتنحل الأمــور

بنتوته تااانيه تجااوب ع نفس السؤال

يلي بده يجاوب ع قبل يجاوب

سؤالي بيقول /

لو كنت نايم وفي شي مجننك بيضله يلعب في ذانك وانت
نايم مش عارف ايش هو وفجاة قمت لقيت البسة بيلعب
في دانك شو رد فعلك بهيك لحظة ؟؟؟ هههههههههههههه

ما راح يكونلي ردة فعل

حموت عالمطرح لاني بموت خوف من البسس

ههههههههههههههههههه

له له له ياسنيورة بتخافي هههههههههه

ماكان العشم والله ههههههههه

سؤالي للبنات ؟؟؟؟

لو كنتي في السوق انتي وامك والسوق كان زحمة على الاخر
وفجأة شب تحرش فيكي بايده من غير ماحد في السوق يحس غيرك انتي
شو ردة فعلك بوقتها ؟؟؟؟

لو كنتي في السوق انتي وامك والسوق كان زحمة على الاخر
وفجأة شب تحرش فيكي بايده من غير ماحد في السوق يحس غيرك انتي
شو ردة فعلك بوقتها ؟؟؟؟

يالطيف
الله لا يقدر
والله مرة صارهيك لبنت قدامي
بس كل النا س لحقته للشب ونتفته

بس اللي راح اعمله اني يمكن اكسر ايدو او بضربه باللي في رجلي وهيك الناس راح تنتبه عليه او بجيب لو التنفيذية تكسر عظمه

والله اعلم شو يطلع مني لو صار هيك لا سمح الله

طيب سؤالي
لو كنت بتحب وحده ونويت تتزوجها وفجأة بتكتشف انو شب قريب منك بحب نفس االبنت
شووراح تعمل؟

سؤال واقعي وصريح وجريئ وحلو

وكتير بتحصل

في احسن العائلات

طيب سؤالي ؟؟
لو كنت بتحب وحده ونويت تتزوجها وفجأة بتكتشف انو شب
قريب منك بحب نفس االبنت شووراح تعمل؟

اول شي ما راح يحصل هيك موقف معي بس لو حصل
و كانت هي بتبادله نفس الشعور هاي خيانة ولن اقبل فيها
وحتكون صفحة وانحرقت اما اذا كانت لا تعبره بقعد معه
وبناقشه بهيك موضوع واذا الشب بدو اياه بجد وهي
راضية بتنازل الو والعكس لي انا ..

سؤالي للبنات ؟؟

يوم من الايام كانو اهلك كلهم بالخارج واجي ع البيت شبين
وبنت زيارة وانتي ما بتعرفي عنهم شي والله اعلم شو نيتهم
كيف راح تتصرفي بهيك موقف ؟؟

الحمد لله ماما ربتنا على انو ما حدا يفوت البيت وهيا مش موجودة

يعني ما راح ادخل حدا عالبيت

سؤال الشباب

خليه لوحدة تانية عشان بدي اطلع مشوار هههههههههههههه

سؤالي للبنات ؟؟

يوم من الايام كانو اهلك كلهم بالخارج واجي ع البيت شبين
وبنت زيارة وانتي ما بتعرفي عنهم شي والله اعلم شو نيتهم
كيف راح تتصرفي بهيك موقف ؟؟

بخلي البنت تفوت والشبين يتكلو على الله

بفهم القصة منها

وشو بدها

وبقول انو انا لحالي بالبيت

واذا اصرو يفوتو بسكر على حالي بتصل على خالتي اللي جارتنا بخليها تيجي وتفهم القصة

طيب سؤالي

لو كنت ماشي بالشارع والشارع ما كان في ناس كتير

وكانت بنت بردو ماشية

فجأة البنت تعبت وما في حدا غيرك يساعدها كيف بدك تتصرف؟

» نقاش جاد وجرئ من جديد