(( حواء في ضيافة أدم )) ...

حلو كثير ياكاتم

هيك بيكون الضيافة هان وهناك

وبدنا نشوف مين ضيافته أفضل

ههههههههههه

ماشي يا كاتم

اتفقتو عليا

كتر خيرك 29 سؤال كان خليتهم 30 سؤال

راح ارجع تاني لما اروق لاسئلتك لانها بدها قعدة

شو هدا انتي شربتي العصير وطلعتي من غير ما تجاوبي

هههههههه

اوك يا قمر 14

احنا اكيد بإنتظار عودتك

وأكيد اتفقنا عليكِ

وانتي اللي جبتيه لحالك

وما فيه حدا أحسن من حدا

بس ليه شربتي العصير

احنا كنت حاطينه منظر مش للشرب

مرحبا

انا جاهزة للاجابة على الاسئلة

وجاهزة للنقاش باي اجابة

بعدين العصير مستقلينه عليه كلها كاسة عصير

شو راح تعمل ياكاتم لو ضيفتني بجاتوه ولا اكلة محرزة

عالعموم مقبولة كاسة العصير

بسم الله ........


س1-) هل تعتبرين نفسك حوآء التي تعجب آدم؟؟

الحمد لله فيا صفات البنت اللي بتمناها اي شاب بس اكيد ازواق الشباب بتختلف


س2-) هل تعتقدين أن هناك قلة ممن يرضون بالقناعه والتواضع ؟؟

اكيد قليل من يقتنع بما يملك مع انه القناعة كنز لايفنى سواء فلوس واولاد ( خلفة ) او حتى نسوان مافي قناعة ابدا

اما التواضع فاصابع ايديك مش وحدة في ناس متواضعين وفي ناس مناخيرهم بالسما ما بتطولها بس شكل الواحد ما بيحكم على تواضعه الا لما تتعامل معه



س3-) لماذا تطلب حوآء دائما الرجل العطف والحنان وتبخل هي بهما عليه بحجة انها العاطفية بينما آدم ذو قلب جامد مع ذلك الرجل يرى المراه نبع الحنان ؟؟

حواء بتحب يكون ادم حنون عليها وما يقسى وما يعاملها الند بالند

اما انها بتبخل بعاطفتها فانا بعارضك فيها لانو المراة برايي بتعطي ادم كل ما تملك من عطف وحنان ومابتبخل عليه خالص


س4-) والدك \ أخاك \ زوجك \ أبنك \ أنت_ .... رتبيها حسب أولويتها في حياتك ؟؟

انا ما بقدر ارتبلك اياهم لانه كل واحد اله مكانته عندي
يعني بابا تاج راسي
واخي سندي بالدنيا بعد بابا ربنا يطول بعمره
وابني فلذة كبدي
اما الزوج فانا برايي حواء لو انحرمت من اللي قبل فممكن زوجها يكون اخوها وابوها وحبيبها وصديقها وكل شي بدنيتها وممكن يكرهها حالها ويعقدها الدنيا كلها
اما نفسي فاخر شي بفكر فيه لاني بحب اللي حوليا يكونو سعيدين هادا بكفيني

س5-) برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

لانه بيعتبرها اذلال وتقليل من قيمته مع اني ضد هالفكرة المتخلفة
حواء بتحتاج رجل يساعدها في امور صعبة بتلاقي مساعدته قد الدنيا
المراه ضعيفة والرجل قوي واله عضلات ليه مايستخدمهم بالخير هههههه


س6-) متى تبكي حوآء لـ آدم؟؟

لما تحس انو الدنيا ظالمة والكل قاسي عليها وانه ما الها مكان بين البشر لانهم شرسين كانها عايشة بغابة وقتها بتحتاج لحنانه وعطفه عليها


س7-) ماذاتعني لكِ المراة العاملة ؟؟

المراة العاملة الها كيان مستقل وشخصية قوية وثقة بنفسها

بس وظيفة حواء الها اثر ايجابي وسلبي على اسرتها

الايجابي : بتصير الاسرة متعاونة متحدة والاولاد شخصيتهم قوية ومعتمدين على انفسهم

السلبي : ممكن ينحرفو ويضيعو ادا قصرت بحقهم واهم حاجة الزوج عينه حتزوغ لبرة ومش بعيدة يجبلها عروس في وقت شغلها وتتفاجا فيها في بيتها ما في شي بعيد عن ادم لانه قوي وبيغتر بقوته


س8-) ماذا تفعلين عندما يقول لكِ آدم ( آحبك ) ؟؟

اكيد بخجل وبحمر وبصير الوان


س9-) ماذ اتريدين من الرجل عندما يكون هو المخطئ ؟ وماذا تريدين منه عندما تكونِ أنتِ المخطئه؟؟

انه يعترف بغلطه وما يتمادا فيه وما يعتبر اعترافه بغلطه اهانة اله

اما تعامله معي يواجهني بغلطي وما يتركني ويعاقبني من غير اي مواجهة وبتعامل معي بلين ويقبل اعتزاري


س10-) ماهوالشي الذي يمتلكه آدم
وتتمني امتلاكه ؟؟

قدرته الرهيبة على انه يتحمل عبء اسرة وعبء الحياة


س11-) متى تشعرين بأنكِ اضعف شخص بالوجود أمام آدم ؟ ومتى تشعرين بالقوة ؟؟

ضعفي : يمكن ما اجت هاللحظة ولساتي باول حياتي والله اعلم

قوتي : باستمدها من قوة ادم يعني لو كانت شخصية قوية وقادر على حمايتي والوقوف امام كل من يحاول ان يؤذيني وما يتمرجل عليا


س12-) ماهي نسبة تعامل حوآء بصدق مع آدم؟؟

حسب كل بنت في بنات صادقات ودغري وما بيكزبو ابدا وفي بنات لعوبات تاعون لف ودوران يعني حسب طبيعة كل حواء


س13-) كيف تريدين من آدم معاملتك في قمة عصبيتك ؟؟

يتحملني وما يعصب معي لانها حتولع هههههه

ويحتويني ويمتص غضبي


س14-) مالذي يغضبكِ في آدم ؟ ومالذي يعجبكِ؟؟

بيغضبني في انانيته وعينه الزايغه

بيعجبني باحترامه لزوجته بينه وبينها او قدام الناس وما يقلل من قيمتها


س15-) آدم حنون ورومانسي \ آدم وسيم \ آدم جاد وصارم \ آدم عملي \ آدم ثري \ أيهما تتمنين؟؟

ادم حنون ورومانسي


س16-) متى تكون حوآء سبب في بحث آدم عن أمان غيرها ؟؟

لما تقصر بحقه وتهمله


س17-) ماذا تعني لكِ الرجولة ؟؟ وكيف تفسرينها من وجهة نظرك ؟؟

الرجولة اهم شي في ادم ولولاها بصير زي ابو بدر هههههههه وبتصير البنت علبه بيبسي هههههههه

الرجولة الها معاني كتيرة ما بقدر احصرها هنا بس بذكرلك كم من معنى الها : الرجولة نخوة شهامة كلمة شرف احترام ..........


س18-) متى تشعرين بتأنيب الضمير؟؟

يوم الامتحان لما الاقيه سهل كتير باندم اني ما قريتله منيح لاني طول الفصل ما بادرس غير ليلة الامتحان ومجننة ماما بهالطبع


س19-) هل تشعرين بأنكِ مثاليه ؟؟

كل انسان عنده افكار حلوة ومثاليات خاصة فيه

والحمد لله على النعم اللي انعمها عليا


س20-) كيف تتعاملين مع آدم عند رفض طلبكِ؟؟

ادا كان طلب ضروري ومهم وما ينفذه

الصراحة ....... بولع زي عود الكبريت خاصة لو كان الحق معي

اما غير هيك يمكن اعصب شوي بس باراجع حالي وبهدا وبسكت


س21-) وقع شجار بينكِ وبين آدمك ادى الى زلة لسان منه جرحت كبرياءك فخرج وعاد يحمل لكِ هدية هل تسامحيه ؟؟

الصراحة ..... الكرامة فوق كل شي يعني شو بتنتظر حواء من العالم لو ادم اللي حبته يجرحها برايي ما بضل خير بهالدنيا

بس ادا عاد الي ومعترف بغلطه واعتذرلي اكيد بسامحه وباقبل هديته

كله ولا الهدية هاي اهم اشي هههههههههههههههههههههههههه


س22-) غالبا مايقال بأنه بعد أنجاب الاطفال يحصل فتور في االعلاقة الزوجية ماهو رأيك ؟؟وكيف ستتصرفين أنتي
لتقوية هذه العلاقة واستمرار الحب ؟؟

اكيد بتفتر علاقتهم لانه الزوجة راح تهتم باولادها والزوج لا ينشغل بتكوين مستقبل لاولاده هدا ادا ما كان مشغول بتحويش مهر لعروسة جديدة

اما كيف بتصرف فاكيد بعمله مفاجات كل فترة والتانية
ممكن ابعتله مسج عالجوال وقت شغله .... شغلات كتير بتعيد الحب اللي بينهم بس اهم شي يكون في تفاعل حتى ما تحرم حواء تعمله اي شي وحتى ما تهمله لانه اسباب اهمال المراة لزوجها هو اله دور في ذلك


س23-) حين يهدي لكِ آدم هدية ولا يعجبكِ ذوقه ماهي ردة فعلك؟؟

بدي اقله : والله غاب وجاب وياما جاب الغراب لامه ومن وين جبتها واديش حقها يقطع هيك زوق هههههههههههههههههههههههههه

اكيد راح اقبلها منه واشكره عليها بكفي انها منه وانه تذكرني بهدية بس بعدين بوصله رايي من غير تجريح


س24-) هل تستطيعين رسم العشق في قلب الرجل ؟؟

اكيد حواء الها دور انها تجعل ادم يعشقها وما يتركها وتحافظ على حبهم بس كمان ادم اله دور لانهم مكملين لبعض لانه كل فعل اله ردة فعل


س25-) ماهي احتياجات حوآء التي
يغفل عنها آدم؟؟

اهم شي انه يشعرها بالامان هاي بيغفلها ادم

واشياء بسيطة بيفعلها ادم ما بتحتاج منه غير ذكاء

يعني مثلا يتذكرها بوقت عيد ميلادها يتزكر المناسبات الحلوة وبالذات يوم زواجهم او تاريخ حبهم

اي مفاجئة منه تزيد الحب اللي بينهم وتجدده


س26-) تلاث صفات تكرهها حواء في ادم ؟
وثلاث تحبها ؟؟

الانانية والغرور والقسوة
رجولته وشخصيته القوية وطيبته

س27-) حوآء دائما تتصف بالرقة لكن ماهو الموقف الذي يجعلك تتحولين الى أنثى شرسة ؟؟

لما احس انو ادم بستهبلني وبقلل من قيمتي ولما اعرف انه بخوني


س28-) دائما الأنثى متهمه بعشقها للمال ما هو رأيك؟؟

انا المال عندي اخر اهتماماتي كل اللي بهمني راحة البال والاستقرار والشعور بالامان


س29-) أهمسي
بما تريدين فقد فك أسركِ ؟؟

ادم اوعا الشك واوعا الغيرة

اوعا لتغلط غلطة كبيرة

انا بعرف انه بعض الشباب شكاكين ويمكن بشكهم يؤذوا اللي بحبوهم

عشان هيك خليك ادم السكرت القبضاي اللي ما بيسمح لحدا يلعب بمخه او يؤثر عليه بكلام ما اله قيمة او كلام فاضي

واهتم بحواء لانه الاهمال يولد اهمال

كاتم تحياتي الك

واسئلتك كتير حلوة

وانا سعيدة باستضافتي مع ادم وبتمني اكون ضيف خفيف عليكو

طرح رائع وموفق

يسلمووإيديك كــاتم ع الموضوع

بس بشووووف حواءت مختفين ماافي الاتنين الي

رادين ع المووضوع ههههههههههه

كــاتم ورأئكن بالمرصاااد

مشكورة كتير كــاتم ع الطرح القيم

وان شــاء الله بنشووف إستضفاات حواء جميعآآآ

يعطيك الف عاافية

دمت بكل ود وخير

بأتشكر جميع الأعضااء على الحضور المميز


وأكيد الموضوع حلو بتواجدكم العطر والرائع

وهلقيتا يا قمر 14 بدنا نبدأ بمناقشتك بالأسئلة

قمــر 14


أجوبتك إن دلت بتدل على ثقافتك العالية
وعقلك الكبير
شخصيتك كتير حلوة وكلامك جميل
واجوبتك مميزة ومثالية
دخلت لاعارضك وأنتقدك
فلم اجد أي انتقاد في أجوبتك
اشكر لكِ قلبك وعقلك وقلمك

ولكن أردت أن أناقشكِ ببعض أجوبتك
يلا نبدأ


س5-) برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟
لانه بيعتبرها اذلال وتقليل من قيمته مع اني ضد هالفكرة المتخلفة
حواء بتحتاج رجل يساعدها في امور صعبة بتلاقي مساعدته قد الدنيا
المراه ضعيفة والرجل قوي واله عضلات ليه مايستخدمهم بالخير هههههه


قمر 14 انتي بتشوفي انه الأعمال المنزلية من اختصاصات أدم
طيب في شو ممكن أدم يساعد زوجته في البيت ..
طيب إذا كان الزوج بيشتغل وبيروح تعبان بتطلبي منه يساعدك
وازا زوجك ما بحب شغل البيت بتطلبي منه يساعدك ولا ما بتحبي يزعل منك وبشتغلي
بنفسك

************


س7-) ماذاتعني لكِ المراة العاملة ؟؟

المراة العاملة الها كيان مستقل وشخصية قوية وثقة بنفسها

بس وظيفة حواء الها اثر ايجابي وسلبي على اسرتها

الايجابي : بتصير الاسرة متعاونة متحدة والاولاد شخصيتهم قوية ومعتمدين على انفسهم

السلبي : ممكن ينحرفو ويضيعو ادا قصرت بحقهم واهم حاجة الزوج عينه حتزوغ لبرة ومش بعيدة يجبلها عروس في وقت شغلها وتتفاجا فيها في بيتها ما في شي بعيد عن ادم لانه قوي وبيغتر بقوته


انتي حكيتي هنا عمل المرأة له إيجابيات وسلبيات
طيب لو انتي إمرأة متزوجة وعاملة كيف ستوفقين بين اهتمامك بعملك واهتمامك
بزوجك وأطفالك ولو افترضنا أن لديك أطفال رضع وتعيشين في شقة لوحدك
كيف ستهتمين بتربية أطفالك ... أم تتركين عملك من أجل أطفالك وزوجك

***************


س8-) ماذا تفعلين عندما يقول لكِ آدم ( آحبك ) ؟؟

اكيد بخجل وبحمر وبصير الوان

طيب لما أدم يعترف إلك بحبه كيف بتنظري إله هل تعتبريه جريئ
أم تخافين منه ...

**************

س9-) ماذ اتريدين من الرجل عندما يكون هو المخطئ ؟ وماذا تريدين منه عندما تكونِ أنتِ المخطئه؟؟

انه يعترف بغلطه وما يتمادا فيه وما يعتبر اعترافه بغلطه اهانة اله

اما تعامله معي يواجهني بغلطي وما يتركني ويعاقبني من غير اي مواجهة وبتعامل معي بلين ويقبل اعتزاري

طيب لو أدم صدر منه أمر وإنتي عارضتيه والمشكلة كبرت وفي الاخر
اتضح الك انه انتي المخطئة شو راح يكون موقفك وكيف راح تتصرفي ؟؟؟

*************

س10-) ماهوالشي الذي يمتلكه آدم
وتتمني امتلاكه ؟؟
قدرته الرهيبة على انه يتحمل عبء اسرة وعبء الحياة

انتي بتشوفي انه كل رجل بيكون قادر على تحمل عبئ الاسرة وتحمل المسئولية
طيب لو اتزوجتي من رجل مش قد المسئولية وغير قادر على تحمل عبء الحياة
والأطفال كيف راح تتصرفي معه ؟؟

******
س12-) ماهي نسبة تعامل حوآء بصدق مع آدم؟؟

حسب كل بنت في بنات صادقات ودغري وما بيكزبو ابدا وفي بنات لعوبات تاعون لف ودوران يعني حسب طبيعة كل حواء

طيب شو رأيك انتي بحواء اللعوبة واللي بتلف وبتدور مع زوجها او بتخونه
هل تستحق من ادم ان يسامحها إزا اعتذرت له أم الطلاق هو الحل الوحيد

*********

س13-) كيف تريدين من آدم معاملتك في قمة عصبيتك ؟؟

يتحملني وما يعصب معي لانها حتولع هههههه
ويحتويني ويمتص غضبي

هل ترين العصبية سلوكاً سويا وصحيحا لحواء وهل تصل قمة غضبك
للعصبية على أدمك ؟؟؟ وما رايك بحواء التي ترفع صوتها في وجها أدم

*****

س15-) آدم حنون ورومانسي \ آدم وسيم \ آدم جاد وصارم \ آدم عملي \ آدم ثري \ أيهما تتمنين؟؟

ادم حنون ورومانسي

هل الحنون والرومانسي هو فارس أحلامك حتى لو لم يكن وسيما أو جاداً
وقوي الشخصية أم تقبلينه حتى لو كان حنونا وشخصيته ضعيفة ؟؟

****************
س16-) متى تكون حوآء سبب في بحث آدم عن أمان غيرها ؟؟

لما تقصر بحقه وتهمله

عندما يرى ادم من حواء انها مقصرة معه ما هو الحل برأيك الذي يجب
على ادم ان يفعله

*********

س23-) حين يهدي لكِ آدم هدية ولا يعجبكِ ذوقه ماهي ردة فعلك؟؟
اكيد راح اقبلها منه واشكره عليها بكفي انها منه وانه تذكرني بهدية بس بعدين بوصله رايي من غير تجريح
برأيك لو ذوق زوجك ما بيعجبك في لبسه وفي تسريحة شعره
بس هو عاجبه كتير كيف راح تتصرفي معه
راح تتركيه على زوقه ام راح تمشي زوقك عليه

*************

س26-) تلاث صفات تكرهها حواء في ادم ؟
وثلاث تحبها ؟؟

الانانية والغرور والقسوة
رجولته وشخصيته القوية وطيبته

هل تحبين أدم الكريم ام البخيل
ومن الأفضل برأيك أدم الذي يحب أن يشتري لزوجته أجمل الهدايا وأطيب الطعام
ولا يهتم للفلوس أم أدم الذي يحرص على الحفاظ على فلوسه ويسير على قاعدة
القرش الأبيض بينفع في اليوم الأسود ..

**********


سؤال أخير لكِ

فهمت من بعض إجاباتك ان كثيرا من الرجال يتصفون بالقسوة
وعيونهم زايغة ما الذي جعلكِ تصفين أدم بهذه الصفات ؟
وكيف ستتعاملين مع ادمك حتى لا يتصرف بهذه الصفات ؟؟


لنا عــودة

قمــر 14


أجوبتك إن دلت بتدل على ثقافتك العالية
وعقلك الكبير
شخصيتك كتير حلوة وكلامك جميل
واجوبتك مميزة ومثالية
دخلت لاعارضك وأنتقدك
فلم اجد أي انتقاد في أجوبتك
اشكر لكِ قلبك وعقلك وقلمك

تسلم على رايك فيا كلك زوق

ولكن أردت أن أناقشكِ ببعض أجوبتك
يلا نبدأ

وانا جاهزة على بركة الله

س5-) برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟
لانه بيعتبرها اذلال وتقليل من قيمته مع اني ضد هالفكرة المتخلفة
حواء بتحتاج رجل يساعدها في امور صعبة بتلاقي مساعدته قد الدنيا
المراه ضعيفة والرجل قوي واله عضلات ليه مايستخدمهم بالخير هههههه


قمر 14 انتي بتشوفي انه الأعمال المنزلية من اختصاصات أدم
طيب في شو ممكن أدم يساعد زوجته في البيت ..
طيب إذا كان الزوج بيشتغل وبيروح تعبان بتطلبي منه يساعدك
وازا زوجك ما بحب شغل البيت بتطلبي منه يساعدك ولا ما بتحبي يزعل منك وبشتغلي
بنفسك

الاعمال المنزلية من اختصاصات حواء ومساهمة من ادم بتوفر عليها كتير
في اعمال في البيت صعب على حواء تقوم فيها لوحدها وبتكون بامس الحاجة لمساعدة ادم

مثلا عندك رفع السجاد وغسيله , وازاحة الكنب وغرف النوم ما بتقدر تعمله حواء لحالها ومساعدة ادم الها بتعيد الها النشاط والحيوية وبتشجعها على تغيير ديكور بيتها كل فترة وبتضفي عليه لمساتها الخاصة

بس على حواء اختيار وقت مناسب لامحلاه وهو راجع من شغله وتستلمه ساعدني غصبن عنه غير يطلع مخه عليها هههههه

************


س7-) ماذاتعني لكِ المراة العاملة ؟؟

المراة العاملة الها كيان مستقل وشخصية قوية وثقة بنفسها

بس وظيفة حواء الها اثر ايجابي وسلبي على اسرتها

الايجابي : بتصير الاسرة متعاونة متحدة والاولاد شخصيتهم قوية ومعتمدين على انفسهم

السلبي : ممكن ينحرفو ويضيعو ادا قصرت بحقهم واهم حاجة الزوج عينه حتزوغ لبرة ومش بعيدة يجبلها عروس في وقت شغلها وتتفاجا فيها في بيتها ما في شي بعيد عن ادم لانه قوي وبيغتر بقوته


انتي حكيتي هنا عمل المرأة له إيجابيات وسلبيات
طيب لو انتي إمرأة متزوجة وعاملة كيف ستوفقين بين اهتمامك بعملك واهتمامك
بزوجك وأطفالك ولو افترضنا أن لديك أطفال رضع وتعيشين في شقة لوحدك
كيف ستهتمين بتربية أطفالك ... أم تتركين عملك من أجل أطفالك وزوجك

اول شي ربنا مابيقطع حدا
بس بصراحة انا من النوع اللي بيغرق بشبر مية

بس انا عن نفسي ضد عمل المراة لانو اولادها وزوجها اهم من انها تروح تربي اولاد الناس او تعتني بيهم
يعني من الاخر حفضل الجلوس في البيت من غير ما اندم لاني حكون ربة بيت متعلمة وناجحة

***************


س8-) ماذا تفعلين عندما يقول لكِ آدم ( آحبك ) ؟؟

اكيد بخجل وبحمر وبصير الوان

طيب لما أدم يعترف إلك بحبه كيف بتنظري إله هل تعتبريه جريئ
أم تخافين منه ...

لو ادم مااعترف بحبه مين بدك يعترف لكان ؟؟!!!

ادم صاحب الكلمة وهو الرجل لازم يعترف بحبه حتى ماتضيع اللي بحبها او يسبقه حدا ولو مااعترف بحبه بيظلم قلبه
بس مش كل ميشوف وحدة وتعجبه يقلها بحبك هاي بتصير مسخرة ووقتها بينخاف منه

**************

س9-) ماذ اتريدين من الرجل عندما يكون هو المخطئ ؟ وماذا تريدين منه عندما تكونِ أنتِ المخطئه؟؟

انه يعترف بغلطه وما يتمادا فيه وما يعتبر اعترافه بغلطه اهانة اله

اما تعامله معي يواجهني بغلطي وما يتركني ويعاقبني من غير اي مواجهة وبتعامل معي بلين ويقبل اعتزاري




طيب لو أدم صدر منه أمر وإنتي عارضتيه والمشكلة كبرت وفي الاخر
اتضح الك انه انتي المخطئة شو راح يكون موقفك وكيف راح تتصرفي ؟؟؟

اكيد راح اعترف بغلطي واعتزر له

*************

س10-) ماهوالشي الذي يمتلكه آدم
وتتمني امتلاكه ؟؟
قدرته الرهيبة على انه يتحمل عبء اسرة وعبء الحياة




انتي بتشوفي انه كل رجل بيكون قادر على تحمل عبئ الاسرة وتحمل المسئولية
طيب لو اتزوجتي من رجل مش قد المسئولية وغير قادر على تحمل عبء الحياة
والأطفال كيف راح تتصرفي معه ؟؟


( مستهتر يعني ؟؟ ) هاي مشكلة !!!
راح يسقط من نظري

لا اعتقد اني حكون مبسوطة مع ادم بهاي الصفات
حاضطر وقتها اقود المركب بنفسي

******
س12-) ماهي نسبة تعامل حوآء بصدق مع آدم؟؟

حسب كل بنت في بنات صادقات ودغري وما بيكزبو ابدا وفي بنات لعوبات تاعون لف ودوران يعني حسب طبيعة كل حواء

طيب شو رأيك انتي بحواء اللعوبة واللي بتلف وبتدور مع زوجها او بتخونه
هل تستحق من ادم ان يسامحها إزا اعتذرت له أم الطلاق هو الحل الوحيد

الطلاق اخر حل ممكن تفكر فيه
لانه ابغض الحلال عند الله الطلاق
مش غلط لو اعطيتها فرصة مرة وتنتين وتلاتة ودخّل اهلها بينكو
وادا ماسلكت معك وقتها الك الخيار انك تتصرف باللي بدك اياه

*********

س13-) كيف تريدين من آدم معاملتك في قمة عصبيتك ؟؟

يتحملني وما يعصب معي لانها حتولع هههههه
ويحتويني ويمتص غضبي

هل ترين العصبية سلوكاً سويا وصحيحا لحواء وهل تصل قمة غضبك
للعصبية على أدمك ؟؟؟ وما رايك بحواء التي ترفع صوتها في وجها أدم

لأ مش سلوك صح بس مش بايدي وعصبيتي هادية مش نمردة
اما اني اتعدى حدودي فهاي مستحيلة لاني مابرضى على نفسي اني ارفع صوتي على زوجي او اقلل من قيمته قدام اولاده او حتى معي

فبفضل اني انسحب حتى نهدا وبعدين بنتناقش وبنصل لحل مناسب

*****

س15-) آدم حنون ورومانسي \ آدم وسيم \ آدم جاد وصارم \ آدم عملي \ آدم ثري \ أيهما تتمنين؟؟

ادم حنون ورومانسي

هل الحنون والرومانسي هو فارس أحلامك حتى لو لم يكن وسيما أو جاداً
وقوي الشخصية أم تقبلينه حتى لو كان حنونا وشخصيته ضعيفة ؟؟


يكون حنون معي بس يكون شخصيته ضعيفة بصراحة راح اكون اتعس انسانة بالوجود شو بدي بانسان ملطشة للي يسوى واللي ما بيسوى والكل بلعب فيه وكلمة توديه وتجيبه بهيك راح يفقد احترامي اله

انا باعجب بالانسان اللي شخصيته قوية وبدافع عن حواءه ومابيسمح لحدا يدوس على طرفه او طرفها ويجيب حقه وحق اولاده وبنفس الوقت يكون حنون وما يتمرجل او يستقوي على حواء

****************

س16-) متى تكون حوآء سبب في بحث آدم عن أمان غيرها ؟؟

لما تقصر بحقه وتهمله

عندما يرى ادم من حواء انها مقصرة معه ما هو الحل برأيك الذي يجب
على ادم ان يفعله


بدك تصل للزواج التاني صح ؟؟!!

قلتلك واجه حواء بكل غلطها وفهمها اللي بدك اياه وبعدها الك الخيار من غير ما تظلمها او تظلم اولادك - المواجهة مهمة بالنسبة لحواء -

*********

س23-) حين يهدي لكِ آدم هدية ولا يعجبكِ ذوقه ماهي ردة فعلك؟؟
اكيد راح اقبلها منه واشكره عليها بكفي انها منه وانه تذكرني بهدية بس بعدين بوصله رايي من غير تجريح
برأيك لو ذوق زوجك ما بيعجبك في لبسه وفي تسريحة شعره
بس هو عاجبه كتير كيف راح تتصرفي معه
راح تتركيه على زوقه ام راح تمشي زوقك عليه


راح احاول اقنعه على قد ما اقدر
واوفّق بين زوقي وزوقه
ما اقتنع وعنّد معي خلص هو حر لانه هو اللي بيلبس مش انا بعاود بيقتنع لحاله ههههه

*************

س26-) تلاث صفات تكرهها حواء في ادم ؟
وثلاث تحبها ؟؟

الانانية والغرور والقسوة
رجولته وشخصيته القوية وطيبته

هل تحبين أدم الكريم ام البخيل
ومن الأفضل برأيك أدم الذي يحب أن يشتري لزوجته أجمل الهدايا وأطيب الطعام
ولا يهتم للفلوس أم أدم الذي يحرص على الحفاظ على فلوسه ويسير على قاعدة
القرش الأبيض بينفع في اليوم الأسود ..


الكريم

خير الامور الوسط لامسرف ولا بخيل

بس انتو عندكو القرش الابيض للزوجة التانية

بدك الصراحة انا مقتنعة بحاجة اسمها اصرف مافي الجيب يأتيك مافي الغيب

**********


سؤال أخير لكِ

فهمت من بعض إجاباتك ان كثيرا من الرجال يتصفون بالقسوة
وعيونهم زايغة ما الذي جعلكِ تصفين أدم بهذه الصفات ؟
وكيف ستتعاملين مع ادمك حتى لا يتصرف بهذه الصفات ؟؟

من اللي بشوفه بمجتمعنا
ادم اول مابتمرجل بتمرجل على زوجته لانه صارت ملكه وتحت جناحه بس هدا غلط هو بهيك راح يخليها تكرهه وراح يخسر احترامها اله واكتر شي صعب انه حواء ماتحترم ادمها

العيون الزايغة بتضل زايغة اصلكو بتحبو الجمال كتير على قولة بعض شباب حرام نتأمل بخلقة ربنا ؟؟؟ ههههههه

في شجر وفي طبيعة اتأملو فيها ههههههههههههه
حواء تعمل واجباتها وماتقصر مع ادم وتسيب الباقي لرب العالمين


لنا عــودة

اهلا وسهلا بيك باي وقت

بس جبلي حاجة معك ههههههههههه نشفتلي ريقي والكهربا نشفت ريقي اكتر منك كل شوية تقطع واعيد تاني

يسلمووووووووووووو يا كاتم عالموضوع الي متل العسل

وقمر 14 اجاباتك كتير حلوة

موفقة حبيبتي

ما أنا جبت الك كاسة عصير

شفطتيها من أول مرة
ما عرفتي تخبي نصها لبعدين
ههههههههه


قمر 14
اجوبتك بجد كتير حلوة ورائعة
ومميزة
هنيئاً لجنس حواء بإنسانة مثلك

لنا استضافة أخيرة
ولكن بعد الفاصل

اتفضلي




وخدي راحتك





واكيد لنا عودة بعد الفاصل

يسلمو كاتم على هالفطور

ويسلمو عالتحلاية

واكيد انا جاهزة للنقاش

تحياتي الك

بعد الفاصل نواصل

شو يا كاتم

افطرت وتغديت وتعشيت ونعست والفاصل ما خلص

ههههههههههه

والله ال ام بس سي ما عملتها هههههههههه

هههههههههههههه

هههههههههه

كل شركات العالم اجت تقدم اعلاناتها عندي
شكله برنامجي ناجح ههههه

اعزائي المشاهدين والمتابعين

عدنا مع ضيفتنا
قمر 14

في برنامج ( حواء في ضيافة أدم )

نعود لنواصل الاسئلة

1/ لو اتوظفتي مدرسة في الوكالة واتزوجتي وكان راتبك عالي كتير
وبعد هيك انجبتي طفل او طفلين راح تقدمي استقالتك من العمل
عشان تربية اطفال ؟؟

2/ انتي اعتبرتي الشاب بيعترف بحبه للبنت هدا جريئ بس ما يكون
مع كل بنت بيحكيلها بحبك ؟؟ طيب انتي لو شاب اعترف الك بحبه
كيف راح تعرفي انه تبع بنات ولا انتي اول وحدة يحكيلك هاد الكلمة ؟؟

3/ انتي حكيتي انه الزوجة لو خانت زوجها ؟ لازم يعطيها فرصة تانية وتالتة
او يحكي لأهلها ؟؟ يعني زوجها بده يستنى لما تصير مرة تانية ولا كيف
هاد ما فهمتها منك ؟؟؟

4/ ( انتوا عندكو القرش الابيض للزوجة الثانية ) هل هذه العبارة خرجت من قلبك ؟
وعلى أي أساس حكيتي هيك ؟ ولو افترضنا والدك معه القرش الابيض هل ممكن يعملها ؟؟
ولا ما بيقدر ههههه ؟

5/جمال المرأة شيئ ملفت للإنتباه عند الرجال ؟ ما رأيك في أدم
الذي ينظر إلى الجمال الخارجي عند الزواج ؟؟

هدا بيكفي
بس لسه اللي رجعة

بعد اجوبتك

بااي

نعود لنواصل الاسئلة

اوك


1/ لو اتوظفتي مدرسة في الوكالة واتزوجتي وكان راتبك عالي كتير
وبعد هيك انجبتي طفل او طفلين راح تقدمي استقالتك من العمل
عشان تربية اطفال ؟؟

حكتلك انا ضد وظيفة الام
قصدك ممكن اغير رايي عشان الفلوس ؟؟؟!!!
مين اهم الفلوس ولا اولادي !!!!
الشي الوحيد اللي بخليني اشتغل ادا كنت عنجد عنجد محتاجة للوظيفة وادا لاسمح الله زوجي ما بيشتغل


2/ انتي اعتبرتي الشاب بيعترف بحبه للبنت هدا جريئ بس ما يكون
مع كل بنت بيحكيلها بحبك ؟؟ طيب انتي لو شاب اعترف الك بحبه
كيف راح تعرفي انه تبع بنات ولا انتي اول وحدة يحكيلك هاد الكلمة ؟؟

راح اسئله وادا بحبني عنجد بيعترفلي وما بخبي عني
وانا الحمد لله من النوع لما اكون متضايقة او شاكة باشي بادعي ربنا وباستخير والحمد لله ربنا ما بضيعني
بعدين اهم اشي عندي لما اكون معه وفي حياته يقطع علاقته معهم


3/ انتي حكيتي انه الزوجة لو خانت زوجها ؟ لازم يعطيها فرصة تانية وتالتة
او يحكي لأهلها ؟؟ يعني زوجها بده يستنى لما تصير مرة تانية ولا كيف
هاد ما فهمتها منك ؟؟؟

خيانة عن خيانة بتفرق في خيانة مستحيل يسامحها عليها وبتكون الحد الفاصل بينهم وما فيها نقاش

وفي انواع ممكن التحدث فيها والمواجهة وبعدها تسلك معك
ويمكن تكون المراة عن عدم معرفة مع المواجهة والتحدث معها بتتراجع وبتعتزر وبتنعدل


4/ ( انتوا عندكو القرش الابيض للزوجة الثانية ) هل هذه العبارة خرجت من قلبك ؟
وعلى أي أساس حكيتي هيك ؟ ولو افترضنا والدك معه القرش الابيض هل ممكن يعملها ؟؟
ولا ما بيقدر ههههه ؟

انت بتنكر انو الرجل لما يكون مبسوط ماديا ومعه فلوس كتير اول مابفكر بالزواج التاني من باب انه حقه " واما بنعمة ربك فحدّث " ؟؟
هاي شي واقعي وموجود ببلدنا نادر بتلاقي الرجل بفكر بمستقبل اولادي وراحتهم وبتركهم يعتمدوا على انفسهم وهو بتزوج تاني وتالت

اما عن بابا فمش بعيدة عن الرجل ومتوقع من الرجل كل شي
بس بابا وعد ماما طول مهي على قيد الحياة ماراح يجبلها ضرة تقهرها لانو عنجد - مش عشانها ماما - بس ماما وقفت مع بابا باصعب اوقاته في حين اهله استغنو عنه وتركوه بوقت كان بحاجتهم


5/جمال المرأة شيئ ملفت للإنتباه عند الرجال ؟ ما رأيك في أدم
الذي ينظر إلى الجمال الخارجي عند الزواج ؟؟

بعتبره انسان سطحي بهمه المناظر وبس - زي خالي - ههههه وراح ينطس على راسه - زي ماانطس - وراح يندم ويلعن اليوم اللي فكر بالجمال الخارجي والمناظر بس
برايي الجمال مش كل اشي وكل شي زائل مابضل بس مش معناه انها تكون بشعة يعني يبحث عن الجمال من غير ما يتجاهل الامور الداخلية والعقلية


هدا بيكفي

اوك

بس لسه اللي رجعة

وانا بانتظارك

تحياتي الك وعنجد انا سعيدة بوجودي بهالبرنامج

عدنــا


قمــر 14

بأتشكرك مرة أخرى على أجوبتك الرااقية

وما عندي أي تعقيب على أي سؤاال

بس حبيت اسألك عن اشيااء خاصة بحوااء ...

اول اشي فيه كتير حاجات بتحطها حواء على وجها
يعني انا جديد اسمعت حاجة اسمها أي لا ينر
مش عارف ازا كاتبها صح ولا لااء
ياريت تعرفينا شو اسماء هاد الحاجات وين كل واحد منهم بينحط ..
انا بأقصد ( الميك أب ) يعني ...



تاني اشي ::
هل يوجد شبه بين حواء افي الحاضر وحواء في الماضي ؟؟
وكيف تتوقعين حواء في المستقبل ؟
من حيث النشاط والأدب والأخلاق وكل اشي

تالت اشي :
ما رأيك في الموضة الجديدة في الملابس التي ترتديها حواء ؟؟

رابع اشي ::
ما رأيك بحواء التي تتصل على شاب وتقول له ابعتلي كرت جوال
وانا أتحدث معك فيما تريد ؟؟

خامس اشي :
مالسبب الذي يدفع حواء إلى حب ادمـ ؟؟



والسؤال الأخير واللي وعدتك إني اسأله إلك
هو ::
نعرف أنكِ تلبسين النقاب عندما تخرجين .. ما هو السر أو السبب
أو القصة التي جعلتك تلبسين هذا النقااب ؟؟


دمتِ بصحة وعافية

قمــر 14

نعم


بأتشكرك مرة أخرى على أجوبتك الرااقية

وما عندي أي تعقيب على أي سؤاال

طيب الحمد لله ريحتني


بس حبيت اسألك عن اشيااء خاصة بحوااء ...

اوك ماشي


اول اشي فيه كتير حاجات بتحطها حواء على وجها
يعني انا جديد اسمعت حاجة اسمها أي لا ينر
مش عارف ازا كاتبها صح ولا لااء
ياريت تعرفينا شو اسماء هاد الحاجات وين كل واحد منهم بينحط ..
انا بأقصد ( الميك أب ) يعني ...

ههههههههه لا شاطر بالاملاء ههههه

اهااااااااا

هاي شغلة بنات شو بدك فيها هههههههههه

مهل عالاكتشاف هههههههه

ادا فضولك مغلبك روح على محل للمكياج بفهمك كأنك رايح تشتري لاختك او لامك مثلا ههههه

تاني اشي ::
هل يوجد شبه بين حواء افي الحاضر وحواء في الماضي ؟؟
وكيف تتوقعين حواء في المستقبل ؟
من حيث النشاط والأدب والأخلاق وكل اشي

اكيد حواء بالامس تختلف عن حواء اليوم وتختلف عن حواء بالغد

يعني حواء بالامس كانت تلتزم بيتها ما الها غير زوجها واولادها

كانت جاهلة مش منفتحة عالعالم كل شي عندها عيب , ممنوع تحكي عن رايها

اما اليوم الفرق واضح جدا ... بدات حواء تنازع الرجال بمجال العمل والوظائف

الها كلمتها بتعبر عن رايها

صار الها دور بالمجتمع ووصلت للحكم والسياسة كمان

فالغد الله اعلم شو راح يصير بس اكيد راح يصير تتطور اكتر وانفتاح

بالنسبة للاخلاق فبرايي حواء بالامس او اليوم او الغد طالما عندها مبادئ وما حدا بيقدر يزحزحها عنها فراح تحافظ على اخلاقها ان شا الله تروح عالمريخ

اهم شي القناعة بالشي اللي بتعمله


تالت اشي :
ما رأيك في الموضة الجديدة في الملابس التي ترتديها حواء ؟؟

الموضة حلوة بس لازم اخد منها اللي بناسب ديني وعقيدتي

مش عشان الموضة اترك الجلباب واقصره اخليه باكستاني وشوية شوية يقصر لما يصير بلوزة

هادا غير الالوان الصارخة واللي بيلمع

يمكن ادم بينبسط لما يشوف بنت بهاد الشكل بس انا متاكدة انو بينو وبين نفسه مش عاجبه

صح كلامي ولا لأ ؟؟


رابع اشي ::
ما رأيك بحواء التي تتصل على شاب وتقول له ابعتلي كرت جوال
وانا أتحدث معك فيما تريد ؟؟

مابعرف انا فهمت قصدك ولا لأ بس راح اجاوبك حسب فهمي للسؤال

اعتقد انك بتقصد الامور الخاصة

انت اكيد عارف رايي

حرام نحكي عنها حواء

وهيا اصلا مابتحترم ذاتها ولا عندها مبادئ او حتى كرامة

ووجودها بين حواءات عار عالبشرية كلها

ورايي ما بيعفي ادم انه هو كمان ماعنده مبادئ لانه سمح لفئة زي هاي تنتشر بينا وتخرب شبابنا وبناتنا

الصراحة انا سمعت عن بنات زي هيك وانصدمت كتييييير


خامس اشي :
مالسبب الذي يدفع حواء إلى حب ادمـ ؟؟

بقولو ضل راجل ولا ضل حيط ههههههههههههههههههه

اولا هاي فطرة موجودة عند ادم وحواء وما حدا بيقدر ينكرها

شغلة تانية حواء بتحب يكون الها راجل يحميها ويكون سندها ويحسسها بالامان

ولولا ادم على حواء كانت راح تصير فريسة للي ما عندهم ضمير او ميادئ وللي نفوسهم دنيئة




والسؤال الأخير واللي وعدتك إني اسأله إلك

لا شاطر عند وعدك

هو ::
نعرف أنكِ تلبسين النقاب عندما تخرجين .. ما هو السر أو السبب
أو القصة التي جعلتك تلبسين هذا النقااب ؟؟

هادا يا سيدي

كنت بالاعدادي بمدرسة موقعها استراتيجي وملتقى ل 3 قارات

القارة الاولى مدرسة للشباب اعدادي

والتانية مدرسة للشباب عاشر وحادي عشر

والتالتة مدرسة للشباب لتوجيهي

موقع استراتيجي غير شكل هههههههه

طبعا عارف الشباب ولسناتهم

بحبو يعلقو كتير

قلت اخدها من قصيرها واحمي حالي منهم ومن عنيهم البيضة هههه

ولبست النقاب وبرضو ما سلمت منهم ههههه

بس اهون من قبل

الحمد لله لبسته من تاسع وما ندمت عليه وما راح اندم عليه

يعني مش تعصب لحزب معين او شمس او غيره

لحماية نفسي



دمتِ بصحة وعافية



تسلم يارب

وربنا يحفظك ويحميك

وادا في اي تعليق احكي ما تخجل

احنا بالخدمة هههههههههههههههههه

تحياتي الك

بأتشكرك قمر 14 على أجوبتك


وبدي أفكر الك في تعقيب

لسه ما خلص وقتك لأنه فيه اجوبة ما اقتنعت فيها لسه
ههههه

سلامي الك

اوك يا استاذ كاتم

وانا بانتظارك

بس اسرع لحسن جهازنا في لحظاته الاخيره

ههههههههههههههه

تحياتي لك

هو انت لهلقيت قاعد بتفكر بالتعقيب ؟؟؟

هههههههه